近年不少專業界別的界內選舉，如大律師、會計師等理事會選舉等，背景為民主派或獲民主派支持的候選人，幾近全數當選，建制派謝偉銓坦言，這股專業人士反建制的浪潮值得關注，認為是年輕專業人士看不到前景，將不滿投射在選舉上：「政府做得唔好，選民可能覺得你幫政府，就係唔啱。」

被問到若其所屬的專業與政府立場上有衝突時，會否敢於投反對票？謝偉銓指若政府做得不對，他會先提意見，及後才考慮是否投票反對，他相信政府會礙於業界反對而撤回：「如果我哋專業覺得唔好，有更加好嘅辦法，點解我哋要支持政府？但係咪去到投（反對）票，嗱，我唔清楚，我哋唔支持佢（政府），佢硬上，結果我哋反對，或者佢覺得做得唔好，佢或者收番呢…最緊要大家有商有量，唔係對抗式意見，唔係冇建設性意見，淨係摧毁。」

而由於新界西和九龍東今次毋須進行補選，兩區合計只有15個建測規園界補選的投票站，而居於這兩區、約佔四分一（1,881人）的建測規園界選民，或須到區內但更遠的票站投票，選民投票意欲被窒礙。司馬文認為投票率會因而被拖低，呼籲選民若要力保民主派議席，便要盡力投票。

記者 姚國雄

【倒數5日】立會補選新聞，《蘋果》一網睇晒
http://bit.ly/2FPhzgY