特首女梁齊昕摑母親梁唐青儀，過程被記者及途人全程直擊，齊昕仲大爆：「佢唔係我親生阿媽」，令人大感愕然！唔少網民睇過報道後紛紛留言，各方意見睇法都有，有人笑齊昕「鬼上身」同「齊昕摑母親，上晒身」，更有人用漫畫畫出齊昕扮鬼造型卡通化去打龍蝦。

不過亦有人認為鬧齊昕冇人性，亦有人覺得佢嘅行為有辱家聲，「老竇老母有幾人面獸心，唉，打自己老母就唔啱」、「家家有本難念的經，我唔係梁家甚麼人，冇資格評論誰是誰非，唔知梁媽係咪好人好媽媽，但梁小姐嘅行為就明顯有辱家聲……」，甚至有人叫齊昕「有病應該去睇醫生。」

另有人覺得今次齊昕係「酒後吐真言」，亦有網民直指透過今次事件，「可知她們的關係」，對於齊昕「唔認」阿媽，有網民指：「佢個樣跟唐一樣，點會唔係佢阿媽」，留言更獲其他網民讚好。