近年行為神化嘅日本男星窪塚洋介前日喺美國宣傳荷李活片《沉默》（Silence）， 《沉默》由金像導演馬田史高西斯（Martin Scorsese）執導，仲有安德魯嘉菲（Andrew Garfield）同里安納遜（Liam Neeson）等演員陣容，窪塚洋介以傳統日式打扮現身首映禮行紅地毯，噚日佢仲開埋Instagram帳戶，配合佢進軍荷李活。

電影都起用咗唔少日本演員，除咗窪塚洋介之外，仲有淺野忠信、加瀨亮同G-DRAGON（GD）緋聞女友小松菜奈等等，模特兒出身嘅小松菜奈近年片約不斷，估唔到有機會拍荷李活大製作，仲同安德魯嘉菲有對手戲。

而馬田史高西斯為《沉默》將會喺本月17號去台灣，展開三日宣傳行程。