潮媽天后孫燕姿前日喺重慶奧體中心開演唱會，不過有傳孫燕姿完騷之後，一落台就暈倒喺工作人員身上，仲要工作人員抱住佢，之後再送咗燕姿去醫院，而網上仲流傳燕姿坐輪椅照片，情況令人憂心。

今晨孫燕姿就向一班fans報平安，佢喺微博話：「睡了一整天，已復活了！之前感冒還沒完全好，所以有不完美的下場。讓大家擔心了。今天可以回新看北鼻（Baby）！開心。」一班fans睇到孫燕姿咁講都放心晒，仲留言叫佢要休息多啲。