日本女星中山美穗近年因為同作家辻仁成離婚搭上音樂人澀谷慶一郎,被指拋夫棄子,令佢形象受損。噚晚美穗上咗《SMAPXSMAP》做嘉賓,參與試食環節,佢接受中居正廣訪問時,都好老實咁講到感情生活,仲話o依家係相隔咗14年再次過獨身生活,不過,以前未婚前都係獨身o依家只係回到當時。提到離婚經歷,佢話:「其實分開原來真係好辛苦!」中居回應佢話:「相信十分痛苦。」美穗亦點頭承認。
近日美穗亦傳同男友澀谷慶一郎分咗手,中居問佢會唔會再結婚,美穗立即答話:「唔會啩,雖然人生好難講,但係我相信唔會。」佢仲話:「戀愛都係,我o依家都覺得唔會再戀愛。」似乎美穗今次失戀後,已對戀愛失去信心。最搞笑係香取慎吾係節目度扮美穗出嚟,搞到美穗笑到失控。