陳家聘專家估價,「維修要七、八十萬,加埋顧問費要成百萬」。家人無怪責陳老太自揭斜坡,但老人家自怨自艾,「奶奶以前食得瞓得行得,但事後怨自己累全家,老人病惡化,03年過身,死前仲掛住呢件事,係鬱鬱而終。」
05年6月,斜坡在暴雨中倒塌,陳先生花了整年時間清理泥石及自行鞏固斜坡,「用咗萬幾蚊買料」。斜坡因不是由專業人士施工而不獲認可,屋宇署繼續發出修葺令,去年陳家遭法庭判罰1,500元,「屋宇署終於肯估地價,話塊地值200萬,最多借100萬,三年內還清,每個月要還2.8萬以上,唔食都還唔起,唔怪得冇人借政府錢」。
目前維修費已飆升至130萬元,獲官方貸款也需另籌30萬元。陳太批評屋宇署未能急市民所急,建議當局應以土地抵押或延長還款期。屋宇署發言人表示,借款人因經濟困難可申請延長至最多72期;就崇謙堂村個案,暫未考慮強制回收土地。