【巴黎直擊】劉嘉玲、韓國女星宋慧喬及憑《格雷的五十道色戒》一脫走紅的荷李活女星狄高達莊遜（Dakota Johnson）等，於法國時間前日，現身巴黎時裝周欣賞Dior騷，宋慧喬大讚服裝好靚好優雅，此行是一個愉快體驗。

睇騷兼嘆紅酒

盛裝打扮的嘉玲春風滿面，她說：「嚟到巴黎心情好好，呢度天氣又好，所以揀咗條綠色裙，我會喺巴黎逗留一星期，之後會去法國酒莊嘆吓紅酒。」在巴黎這幾天，每天都要靠視像與老公梁朝偉通話的嘉玲，坦言希望與偉仔再度蜜月，過二人世界，對上一次一齊到法國已是很久以前的事，當時偉仔為Yohji Yamamoto行騷，不過嘉玲嘆謂：「但冇時間呀！因為佢好快要開戲。」
此外，首次到巴黎時裝周睇騷的內地女星張馨予，不幸地被盜銀包，她昨在微博大發嘮叨：「在這錢包被偷了，所有卡、證件都沒有了，我現在是一個身無分文的野人了，今晚別怪我黑着臉看秀。」由於她之後要到意大利工作，如今因證件問題或令行程受阻。
採訪：顏英儀
攝影：陳志嵐