終極普選聯盟召集人馮偉華噚日接受港台訪問,話「希望」2020年落實普選時取消功能組別,惹來主持質疑點解會係「希望」而唔係「一定」,因為連小朋友都知,普選係一人一票、無功能組別。
馮偉華此時話,接受取消功能組別前有過渡安排,只要最終取消到功能組別,「甚至年期都仲有得傾。」主持質疑佢咁講好模糊,問佢有冇清晰啲取消功能組別嘅年份底線,馮偉華話呢個涉及討價還價問題,家好難作準。
談判底線咁有「彈性」,令人擔心所謂「終極普選」看不見終點,八方事後問馮偉華,聯盟是否不排除接受2020年後才取消功能組別?佢指目前唔可以咁講,總之聯盟堅持2020年取消功能組別。