由韓劇《我係金三珣》女星金宣兒夥拍甘宇成主演嘅SBS劇集《能先接吻嗎》，噚晚播出第25、26集，港劇迷可於Viu同步追看。

劇情承接上集，金宣兒喺屋企靠一支筆認出咗8年前嘅甘宇成，當日甘宇成唔肯出庭做證，令金宣兒晴天霹靂，覺得被背叛，不過佢未有向甘宇成坦白，扮冇事一樣如常生活。

金宣兒開始對甘宇成進行調查，發現佢就係寫請願信嘅神秘男子。金宣兒感到矛盾，因為佢諗唔通甘宇成嘅動機。

金宣兒跟前夫吳智昊去到女兒嘅墓地，吳智昊要金宣兒離開甘宇成嘅屋企，金宣兒表示佢為咗錢而唔會離開，而甘宇成見到吳智昊捉緊金宣兒嘅手時，感到非常妒忌。

另外，金宣兒決定無論如何都要令甘宇成生存落去，咁樣先可以利用佢作為目擊者，為死去嘅女兒申冤。深夜時，甘宇成翻開金宣兒嘅外套，發現金宣兒已經知道事實......

而《能先接吻嗎》噚晚兩集收視就微跌至8.3%及9.9%。

更多韓流，喺晒《娛果》
http://fb.com/appledailyent