成日都話，返工有靚女就真係開心啲，嚟緊杜汶澤就好開心喇，因為佢今日喺facebook貼咗一個女仔張相，仲話：「啱啱請咗人，嚟我公司做見習生，返十二點收十二點，你哋覺得佢個款，似唔似做得嘢呢？」

個女仔就叫做楊浩兒，唔係普通人嚟㗎，因為好鍾意曼聯嘅關係，連英文名都改咗做Manchester，成日都會出現喺唔同嘅足球場合，因為樣靚身材又正嘅關係，好多唔同嘅專頁同媒體都有訪問過佢。

《蘋果》喺舊年都有訪問過佢，佢就話佢讀高中嘅時候，因為追捧曼聯，於是用咗「Manchester」作為自己嘅英文名。

楊浩兒身材好，又大方，因為睇佢嘅Instagram，有八成嘅相都係着小背心、泳衣等等，張張都見到佢個膊頭，連短袖衫都好少見，所以話佢幾咁大方。唔知遲啲佢同阿澤一齊做嘢，會唔會都係着到咁呢？咁樣着又會唔會令到阿澤嘅工作效率提高呢？