【每日站樁養生】黃光亮初入樂壇 拒領抗疫基金:留返畀有需要嘅人
黃光亮圓夢惡人這便是一轉眼
在電影中多演惡人或反派的黃光亮,早前推出處男新歌《這便是一轉眼》圓歌手夢,他今日到商台受訪時說:「我唔係嚟宣傳㗎,純粹傾吓偈。嗰日聽到祥哥(阮兆祥)喺收音機話燊哥(賭王何鴻燊)死咗,係一個時代結束,我有感而發就send咗首新歌畀祥哥聽,佢就邀請我嚟傾吓偈。」
黃光亮坦言無意發展歌手路,成功出歌已經圓夢:「唔會刻意發展,不過有人邀請我唱梗係好,要向佢叩3個響頭多謝。」提到早前演藝人協人發放抗疫基金予會員申請,他自嘲已退休無需要:「留返畀啲有需要嘅人申請,又唔需要搵工糊口,有嘢拍就拍囉。」
至於近況,黃光亮透露每日早晚練習站樁:「每次20分鐘,令個人靜落嚟。人自出娘胎嗰刻已經冇停過,我都5、60歲,想畀自己停吓,做咗年幾,唔做過覺得爭咁啲嘢。」他謂不會強調站樁的得着,因為每個人的感受不同:「呢個唔係交易,我淨係覺得畀自己可以靜吓,就已經好好。」
-----------------------------
黃光亮每日早晚都會練習站樁,他說想讓自己可以有靜下來的機會。
黃光亮指自己已退休,有嘢就拍,他不會申請演藝人協人發放抗疫基金,留給有需要的人。