當年今日

樓民講場:我愛「皇」蟲

蘋果日報 2012/03/02 00:00


個個反蝗蟲,內地人形象一竹篙變得負面,但我極愛內地「皇」,沒有這批貴客,我一早餓死老婆。
我專做豪宅買賣,見盡有錢人、專業人士的百態。不過,有錢不等如好客,被客仔噴了一面屁仲係無單開,白忙白做,真是一字一淚。
假如以下兩種人同時行入代理行:(1)西裝骨骨、專業知識豐富的才俊型,(2)操流利普通話、沒甚麼學問、甚至會吐痰的內地客,我毫不猶豫會跑去招呼同胞。無他,內地客不但有錢,更重要是爽快,有時只需撥個電話,他們一聽說是凱旋門,個名好威水喎,樓都唔睇,就「刁」成了。本地客相比下很謹慎,他們對市場分分鐘熟過我,而且要求超多,睇了幾個月、走勻多個樓盤,都未必畀生意你,坦白講,服侍這班「西裝友」好辛苦。
服務業極度重視內地客,令好多港人不是味兒,覺得忽略了自己人的感受,但唔該各位易地而處,都諗吓我哋嘅感受。所謂優質客,只求個客有水、爽手,甚麼社會、文化問題,唔該等我有飯開先講。
近排內地客雖然少了,但落來買樓者,仍然一如以往疏爽,行家都熱切期待內地再次放水,令同胞客重臨。
讀者 賢哥

本欄園地公開,歡迎各界來信,以450字為限,請電郵至mailto:[email protected]
註明《家》樓民講場,請留聯絡電話。編輯保留文章的刪減權。