時代唔同咗，做人妻媽咪都唔一定會變肥師奶。

好似鍾嘉欣，前年下嫁大佢13年嘅脊醫老公Jeremy，仲生埋個得意囡囡Kelly。囡囡剛滿一歲，嘉欣亦打算復出拍劇，據聞佢會拍《再創世紀》，但因為嘉欣唔捨得囡囡，所以攝製隊會飛埋過去溫哥華取景，完全遷就晒嘉欣。( 新聞連結： http://bit.ly/2exrxdF )

嘉欣亦為復出做好準備，今日喺微博貼咗張着住露腰運動裝嘅相，雖然腰間多咗件衫，但仍然見到條小纖腰，身材真係fit到漏。另一張嘉欣抱住囡囡望住蔚藍天空，真係好心曠神心怡。嘉欣留言﹕「大家好嗎？想念你們。我現在很好。我想問，你們想再看我演戲嗎？我已經好久沒有拍戲啦！」唔少網友都話好期待。

另一位靚媽鍾麗緹雖然已經生咗三個女，但身材就o依然好火辣，比佢年輕12年嘅老公張倫碩貼咗幾張兩人海邊嬉水相。鍾麗緹好似好怕太陽，雖然一副大媽look由頭包到冚，但就難掩玲瓏浮凸身材，唔少網友都激讚﹕「擋不住的前凸後翹啊！」其中一張仲要拉低拉鏈騷出北半球，真係睇到人流鼻血。