杜大偉在大台捱足23年一直演閒角，近年亦有份參與處境劇《愛·回家》飾演Peter仔一角，幾年前為尋求更好出路，開始進軍飲食業，好景時有7間舖。最近因受到武漢肺炎 疫情 影響，加上實施了禁聚令，生意跌足9成，其中火鍋店的虧損最為嚴重，他和友人合資開設私房菜，為求出路增設外賣雞煲，提升生存空間。

他坦言火鍋店生意大跌，為持續經營保住員工飯碗，跟拍檔研究過不少方案：「我哋齊心合力搞好外賣服務，最先推出外賣海鮮火鍋，然後再出無火版雞煲，而家每日都要返舖頭幫手包裝雞煲，跟外賣訂單，好忙，公司財務都好穩健，總之最希望就係公司更多同事都有工開。希望疫情盡快過，大家都健健康康，生活回復正軌。」另外，他指《愛·回家》劇組都繼續開工，大家都提高警覺：「我哋都好alert（警戒），拍攝前會戴 口罩 ，大都有消毒噴霧傍身。」

-----------------------------

全民自救 抗疫資訊盡在《蘋果》