富豪產業信託（1881）仲喺半年底部載浮載沉，有得諗。呢期個市橫風橫雨，唔少資金避風，泊咗落REITs度，扯到部份REITs價格，升咗唔少，富豪產託仲喺半年低位，大落後。又以富豪產託喺本港酒店營運，有佢規模及競爭優勢，加埋香港總體酒店業表現，仍然可以，應該支持到富豪產託本年度業績。又好保守當富豪產託本年度派息，只係Keep到上年水平，每基金單位派息12仙，現價（1.88元）計，息率回報都上到6.4厘，相對其他房產信託基金，息率一啲唔輸蝕。再講，富豪產託NAV貼近4蚊，現價折讓53%，REITs當中，折讓亦算係吸引。呢轉博富豪產託升三成到2.45元，目標價未有耐上到NAV，息率回報仲高達5厘，仲係好吸引。