金像電影《樹大招風》道具領班、行內人稱為道具全嘅張偉全，因為管有22.3萬張拍戲時用嘅道具銀紙，今年五月尾被判罪成，判監4個月緩刑兩年（新聞連結： https://bit.ly/2xztH5f）。判決令到電影業界關注同心寒，道具全係首名藏有道具銀紙，而被定罪的業界人仕。

在香港電影工作聲援支持。電影工作者總會會長田啟文今日接受電話訪問，佢話：「9月26號上訴庭會有一個判詞同結果，總會會牽頭，屬會會有人到場支持，思遠（電影工作者總會永遠榮譽會長）一定會到啦，佢覺得件事對業界影響深遠。」田啟文話好多會都好關心，但要有個吳思遠具代表性同份量嘅人牽頭，對方亦當仁不讓。今次業界出錢出力，至於上訴勝算田啟文話樂觀：「業界好踴躍捐錢支持道具全上訴，籌到數目已夠支付今次訟費有餘。幫我哋上訴嘅郭大狀覺得，應該可以為行業搵到個公道。」今次上訴總共提出三項理據：「律師好有信心，有勝算把握。」田啟文話如果上訴成功，仲要睇律政司會唔會上訴到終審法院，所以仲有未知之數。

另外，總會連同屬會今個月２４日約見咗特首林鄭月娥，反映業界面對困境，同埋要求政府做多啲嘢，支持娛樂電影界，佢話：「除咗我之外，思遠、演藝人協會正副會長古天樂同林家棟、張同祖都會去，希望同政府會面之後，增加行業發展空間同政府支持。」佢承認道具全事件，係今次約見特首嘅催化劑，但唔係全部，某程度上業界認為現行政府架構對電影拍攝欠缺包容同支援。田啟文又提到今年財爺嘅施政報告，完全對電影界支援，佢話：「上任曾（俊華）司長唔係好多，都有吖嘛。點解阿波哥（陳茂波）冇嘅，係咪做漏咗，之前話補漏又冇電影界嘅，希望政府由上至下重視返電影行業。

精選娛聞，喺晒《娛果》 http://fb.com/appledailyent