日模松岡李那今日喺書展為「櫻桃小丸子」書宣傳，佢仲擔任模特兒，戴住小丸子飾物拍照。松岡笑言會送一本俾緋聞男友林德信（Alex），不過佢亦叫對方買100本，松岡又話好鍾意卡通中「花輪同學」一角，咁佢鍾意Alex多啲抑或花輪同學多啲呢？佢就話：「好難揀，會揀花輪，靚仔啲！」

另外，曾同周杰倫傳緋聞嘅洪永霖，今日亦現身會展宣傳寫真，佢話印咗五萬本喺香港及台灣推出，寫真中會以電影為主題，其中一個「美麗有罪」造型，更加係全裸上陣，不過就三點不露。

此外，女子組合FFx雖然人多勢眾現身書展谷書，不過佢哋打扮毫無睇頭，未能令人留下印象，被其他0靚模搶盡風頭。