林頴彤（Bella）日前俾《蘋果》見到佢同「前」男友容天佑行街，由灣仔拍住拖去荃灣，仲喺葵涌公屋屋企樓下攬攬。 Bella成長經歷都幾坎坷，細個曾經要喺街邊乞食，至於容天佑就喺大陸出世，細細個就移居香港， 11年參加過大台節目《功夫新星》。

噚日Bella 接受傳媒訪問，得知被影同男友攬攬，Bella即時好擔心咁話：「呀……影到乜嘢呀？救命呀！」

上年8月，有傳Bella同容天佑分手，據悉，雙方家長唔贊成兩人拍拖，呢對小情人感情生活一直有壓力，Bella話：「其實媽咪都未知（復合），我淨係想媽咪開心，畀啲時間佢哋了解。」

Bella亦承認同容天佑分開過一段時間，分手唔係專登講大話或者係轉玩地下情，佢解釋：「因為之前有啲誤會，分開咗一段時間，但大家有保持朋友關係，o依家關係好番啲，希望大家畀啲空間。」

至於容天佑回覆傳媒就同女友口徑一致話：「o依家好啲啦，之前係有啲誤會，佢對我好好，係100分女友。斷斷續續咁拍拖。」女友喺大台不乏機會，低調係咪唔想阻女友上位？容天佑就話：「都想低調，對大家工作都會好啲。」

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。