尋日中證監新主席劉士余先鼓勵大家，記住買股票，唔好賣股票，但係個市成日跌，點樣買得落手呢？

《彭博》做咗個小統計，發現最近內地股市都係朝早跌，晏晝升。以上證綜指為例，如果在朝早收市後（11時30分）先買入，直至下午收市可以獲8.3%回報，朝早一開市買，到中午計計埋埋就要輸1.7%，所以朝早可以瞓晏啲，唔洗咁早起身入市。

下晝先有得升，市傳係因為兩會期間有國家隊衝入去托市。嗱，兩會就開到星期日，如果想驗證下都仲有一個交易日嘅，但係講明先，入到去唔知出唔出得返黎架！

掌握財經生活資訊，即Like「蘋果ATM」fb專頁啦！
http://fb.com/appledailyatm