香港藝術發展局舉辦的「香港藝術發展獎」頒獎禮昨晚在尖沙嘴文化中心舉行,特首梁振英、藝人黃秋生及張敬軒等人出席,當中導演林超賢獲得電影界別的年度藝術家獎成為全晚焦點。皆因早前被揭發大會總評審團粗暴干預原本從缺的決定,惹來批評冇程序公義及認受性的大風波,評審小組更總辭抗議,亦呼籲林不要接受獎項。
林超賢以一身西裝及帽子造型,約9點上台,面帶笑容接過陳嘉上頒過的獎座,他在台上表示:「多謝藝術發展局,多謝評審,呢幾日好多人關懷我,接到好多電話問我嚟唔嚟,今日嚟係尊重大會同藝術,我好多謝陳慶嘉、鄭丹瑞同我好師傅陳嘉上,畀好多機會我實踐做導演,跟佢冇耐就拋個波畀我,我呢個獎係屬於我入行多年嘅團隊,希望香港電影薪火相傳。」
秋生對事件表態:「藝發局主席頭先講咗,當日一場誤會,之後會檢討。」對於林獲獎備受質疑,他認為:「嗰3個人(指評審)唔同意代表認受性受質疑,你哋識唔識佢哋?獎項係唔須要100%人認受,佢哋想法咪好霸道。」秋生認為林被擺上枱:「令人尷尬,一件小事,做乜搞到咁大。」
採訪:張俊銘
攝影:沈健程