【短片】澤尻為園子溫賣身
赤腳企街晒澎湃上圍
蘋果山田孝之即時澤尻英龍華伊勢谷友介山田優新宿天鵝綾野剛園子溫
日本新聞女王澤尻英龍華近年捲土重來,為咗挽回失勢,佢為三級片《整容天后》露點上陣後,最近又為名導園子溫嘅新片《新宿天鵝》扮流鶯,今日曝光嘅預告片所見,澤尻唔止有着住內衣嘅床上鏡頭,佢仲赤腳同男主角上街晒澎湃上圍。
《新宿天鵝》係翻拍自和久井健筆下嘅同名漫畫,故事發生喺新宿歌舞伎町,園子溫負責執導當然唔少得血腥同色情鏡頭,澤尻一改喺日劇系列《FirstClass》嘅時尚形象,今次就挑戰淪落色情架步嘅流鶯,同綾野剛發展出微妙感情。呢套戲已正式公開伊勢谷友介、山田孝之等主要角色嘅造型照,而女星山田優今次都會扮演夜場媽媽生。