香港麥當勞配合自動化趨勢，在銅鑼灣禮頓中心及九龍塘又一城分店試用「自動點餐機」。網民對麥當勞新機「有讚有彈」，一部分人大讚可以不發一言點餐「同小巴撳鐘落車個發明一樣咁偉大」，或者有「走醬」、「走青瓜」等特別要求時不怕服務員聽錯有遺漏。

不過有網民認為無助解決排隊問題，人龍只是由收銀機轉到點餐機「篤mon」，指麥當勞最大問題是出餐慢，與點餐無關，又有人擔心全面電子化會掀起解雇潮，收銀由「自動點餐機」全面取締。

【網民點睇】
夜黑澤：同人龍有咩關係，條人龍咪由排隊收費叫餐變左去排隊篤芒咋嘛。

雲海...：終於唔駛叫錯魚柳bellchan喇。

活得更好：阿姐無得撈喇。

愛已碰灰：同小巴撳鐘落車個發明一樣咁偉大。

閹人：遇著啲阿婆帶埋個細路去，阿婆又唔識禁機，細路又想食晒全部餐，等到聽朝都未落到單喇。