【40周年陳百強珍藏展】陳欣健憶與Danny仔相識過程：覺得佢好靚仔
蘋果日報 2019/12/25 18:24
陳百強陳欣健Danny仔
（攝影：陳俊強）
已故藝人陳百強（Danny仔）今年入行40周年，歌迷會為他在中環大會堂籌辦「40周年陳百強珍藏展」，今日胞兄陳百靈、胞姊陳小儀、孫秉樞博士及好友陳欣健到場支持，現場展出陳百強唱片、電影海報、經典錄音帶等物品。
陳欣健憶述和陳百強相識過程，他說：「Danny仔參加電子琴比賽冠軍之後，70年代我喺麗的做節目主持，經朋友介紹下認識，覺得佢好靚仔，節目上佢仲彈琴咗首《Evergreen》，後來佢邀請我一齊填詞寫歌，經常去disco跳舞，當時佢好乖，真係淨係去跳舞，冇第二啲嘢，仲有梅姐（梅艷芳）、鄺美雲，每次一跳都半個鐘，玩到成身汗。」
另一個對陳百強深刻經歷是二人合作一個柬埔寨兒童節目籌款，和主辦單位有些風波，陳欣健出面平息事件，之後成為莫逆之交，仲搵Leslie （張國榮）一齊合作演出電影《喝采》。」又稱讚陳百強有藝術氣質。
陳欣健多謝歌迷會邀請，歷年來很有心，非常愛錫陳百強， 多年努力不懈愛護陳百強，陳欣健說：「歌迷會要求播映電影《喝采》，我搵到去電影資料館都搵唔到，好難搵，最後要多謝楊受成先生，佢有呢隻碟願意幫忙支持，電影喺舊年同今年都播放過，將Danny仔短暫人生激活，不時見到佢消息，好似冇離開過大家咁。」
陳欣健憶述和陳百強相識過程
陳欣健又稱讚陳百強有藝術氣質
今日胞兄陳百靈、胞姊陳小儀、孫秉樞博士及好友陳欣健到場支持
現場展出陳百強唱片、電影海報、經典錄音帶等物品。
陳欣健多謝歌迷會邀請，歷年來很有心