大賽過後，依然馬不停蹄，周日（24日）沙田編十場，跑兩泥八草，草地用C加3跑道角逐，整日戲碼唔弱。

星味日濃的羅富全乘勝追擊，派遣精兵上陣，今季其馬房泥地賽成績出眾，值得優先留意。莫雷拉刑滿復出，由於蔡約翰出馬唔多，故可接外線座騎，結果出足滿額，至於蘇兆輝客串期滿，周日進行告別戰。

羅富全今季C系列初出自購新馬「星叻」，烙號257跟上季到港B系列廐侶「好運多贏」一樣，款頭跑姿也十分相似，論馬目前仍感稚嫩，走來有點性急。

然而這匹三歲馬做足工夫而來，埋門試兩個泥地大閘，一次負於「喝采」，一次輕鬆趕過「實力飛駒」，走勢均不差，本身跟「軍力勁」及「威信」同父，泥地性能應該合適，在港首次登場即報泥地，有權一出即食。

「路路之星」上仗一面倒熱門只跑得第六，但論馬並無走樣，轉戰泥地相信亦合發揮，因試閘曾有過好表現，續配潘頓仍屬爭勝主角。

「愛飛一號」本季唯一上名就在此程，今戰有以逸待勞之優勢，而「神州威龍」回配莫雷拉，亦可加入爭拼之列，有留意價值。

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI