【尋求改變】忽然轉做文書工作 劉雅麗發覺最難學使錢
陳浩德劉雅麗
劉雅麗、陳浩德同方伊琪等噚晚中秋佳節到文化中心擔任文藝晚會嘉賓,劉雅麗嚟緊要幫好姊妹關寶慧及劉玉翠投資幾百萬嘅舞台劇《她媽的葬禮》擔任監製,為了周四舉行記者會,自己負責發邀請函及新聞稿,因而要重新接受文書工作,佢話:「我做咗舞台劇廿幾年,係時候要改變,去年擔任副導演,今年就做監製,自己覺得最難係點樣將啲錢運用要用得其所。」
上星期五(21日)日係陳浩德踏入65歲生日,咁啱正日係佢同葉振棠、李龍基合作《三生有幸演唱會2018》頭場,而第三場就係佢農曆生日,所以幾日來有幾千人一齊慶祝,佢透露生日願望係身體健康同香港繼續繁榮,以及希望三生有幸舉行part 2,主辦正申請緊場地,問到在part 2可有突破?佢話:「今次尾場三個人以古裝造型亮相,我扮楚留香,李隆基扮皇帝,都要諗下次有乜嘢可以再做。」當記者提議反串,佢覺得係好提議,可以諗下邊個唱女聲。
精選娛聞,喺晒《娛果》
http://fb.com/appledailyent