當年今日
關於我們

【舊iPhone降速】明年起換電減價 果迷:唔應該收錢

蘋果日報 2017/12/29 19:12

AppleiPhone換電

【新增短片】
Apple早前承認故意為電池老化的舊款iPhone降速,引起大批果迷不滿。近日Apple終正式道歉並將更換保障期外的電池價格降低港幣$407,即$228就可換到,由明年1月底至12月生效。有關計劃只適用於iPhone 6 或更新的型號。記者今日手持已過保養期的iPhone 6 Plus,以顧客身份到中環蘋果專門店查詢更換電池事宜。現場蘋果職員向記者指,換電計劃將由明年1月1日開始,至同年12月,並需透過Genius Bar辦理。有需要換電者可於當日前3天內,透過官網預約,不建議即場申請。
至於換電計劃包括哪些機款,曾在官方以外維修的iPhone可否參與等,蘋果職員稱詳請需待官網發布,且官方才剛公佈有關計劃,他們並不清楚詳情。
記者訪問了iPhone用家看法,用了iPhone 6年,現使用iPhone 6s的王小姐,之前更新iOS後,手機速度會變慢和變熱。之前因出廠電池問題,都曾到蘋果免費換電,速度之後的確回復正常。現在手機運作略為減慢,例如開相機和程式,會有一段時間黑屏,但仍可接受,曾考慮選擇換機但若然有優惠價換電,都會考慮參加。
用了iPhone六至七年,現為iPhone 7的鍾小姐表示,希望蘋果公司可以盡早解決手機問題。若果有需要的話,都會去更換電池,「但如果係蘋果問題,係佢整慢咗嘛,就唔應該收錢。」
而用了iPhone 3年,現為iPhone SE的蕭先生指,「以前都會睇定啲,先會更新iOS。因為更新都會增加安全性,未來都會繼續更新」。他現在正使用最新iOS,未留意運作有否變慢,但就比以前食電,有時出街都要用外置電池。「但嚿電真係用到好唔掂,先會去換;宜家仲可以接受,就唔好搞佢住」。
洪先生指,無更新至最新版的iOS,得知蘋果公司會減慢手機速度後,覺得「好彩冇更新,估唔到用咁嘅方法,有少少被呃嘅感覺」。他稱,現時開相機程式都要兩秒幾,但因為換電仍要付費,而且不肯定手機慢是源自電池問題,所以都未必會換電。他覺得蘋果不應再減低手機速度,同時應免費為用家換電,否則仍是不合理。
中大市場學系客座教授冼日明表示,iPhone向來予人印象為高質素產品,但近年升級操作系統iOS頻頻出事,加上今次事件發生,令iPhone形象造成傷害。他又指,消費者會認為今次事件由Apple造成,「應該主動免費補償番畀消費者」,而非提供換電池優惠予用家。
消委會於今年首11個月共接獲993宗有關手機的投訴,較去年同期的1,526宗減少35%。有關手機電池和充電器的投訴有48宗,較去年同期的40宗,增加20%。
【minigame】2017瘋暈人物 返工打機唔使擇日
http://bit.ly/2CeWQkP
empty
鍾小姐表示,「如果係蘋果問題,係佢整慢咗嘛,就唔應該收錢」。李潤芳攝
empty
王小姐曾考慮選擇換機但若然有優惠價換電,都會考慮參加。李潤芳攝
empty
蕭先生表示「嚿電真係用到好唔掂,先會去換;宜家仲可以接受,就唔好搞佢住」。李潤芳攝
empty
洪先生認為蘋果不應再減低手機速度,同時應免費為用家換電,否則仍是不合理。李潤芳攝