當年今日
關於我們

【爆相爆片】高鐵西九站現鼠蹤 市民鬧爆︰好丟架

蘋果日報 2018/09/27 21:40

高鐵老鼠爆相爆片西九站

高鐵香港段通車以來,無論列車安排同車站嘅設施,都仲有好大改善空間,正當高官叫市民畀啲耐性嘅時候,有讀者發現啟用咗幾日嘅高鐵西九站,已經火速中港融合,例如:垃圾冇人清、米奇周圍走!
讀者趙先生周二黃昏6點左右,趁假期同女朋友去高鐵站地面層嘅綠化用地拍拖,點知行咗冇耐,就見到現場幾個垃圾桶都塞到爆晒,冇人清理,唔少垃圾更加跌咗落地,就咁睇真係以為返咗大陸,點知好戲在後頭,「我見到個紙盒郁緊,原來隻老鼠咬。」
由趙先生提供嘅短片見到,有位着住制服嘅職員坐咗喺垃圾桶旁邊,但完全冇反應,「有幾個人都大叫『有老鼠呀!』職員都好似聽唔到咁。」片入面隻老鼠大大隻,好生猛,趙生見住佢喺垃圾桶花槽來回咁跑,完全唔驚人,玩得好開心。「話晒都係招呼遊客嘅地方,我覺得咁樣好丟架囉!」
港鐵回應話,一直好重視站內衞生環境,亦會定期進行滅鼠及滅蟲工作,得悉事件後,港鐵已即時要求承辦商處理,並加強滅鼠工作。
empty
(讀者趙先生提供)