【退伍後似做番新人】林宥嘉見自己化妝忍唔住笑咗
蘋果日報 2015/08/17 06:00
蘋果台灣香港當兵宣傳林宥嘉訓練男歌手鏡頭戀愛假新人代言笑即時yoga娛樂退伍皺眉多多指教瘀皮
林宥嘉埋位時一度皺眉，似乎唔係好慣，但好快就見番笑容。（台灣《蘋果日報》）- 回復狀態嘅笑容滿面（台灣《蘋果日報》）
- 仲自爆瘀事（台灣《蘋果日報》）
- Yoga今日復工為代言產品宣傳（台灣《蘋果日報》）
- Yoga退伍後，放了一個月戀愛假，右為其女友丁文琪。（台灣《蘋果日報》）
台灣男歌手林宥嘉（Yoga）喺上個月22號已經當完兵退伍，當時佢話要放一個月戀愛假，今日雖然只係第26日，但佢提早復工，仲為代言產品宣傳。
久未喺鏡頭前露面嘅Yoga，似乎唔係好慣面對鏡頭，不自覺咁皺眉，作自我介紹時亦都講得好急，但佢好快就回復狀態，仲話：「第一天回復工作，覺得很像新人，希望大家多多指教。」
佢仲話，今朝化妝set頭後，見到鏡入面自己個樣，忍唔住笑咗出嚟。
Yoga又提到當兵期間，經常要喺自己嘅所屬單位度表演，仲要自己搭台同搬音箱，訓練好辛苦。不過，最瘀皮嘅一次，係佢有次放假去便利店買嘢，點知收銀員講完要畀幾錢後，Yoga一時改唔到喺部隊入面回答上級嗰句「報告，是」嘅標準答案，嚟應個收銀員，佢話真係覺得自己好瘀。
久未喺鏡頭前露面嘅Yoga，似乎唔係好慣面對鏡頭，不自覺咁皺眉，作自我介紹時亦都講得好急，但佢好快就回復狀態，仲話：「第一天回復工作，覺得很像新人，希望大家多多指教。」
佢仲話，今朝化妝set頭後，見到鏡入面自己個樣，忍唔住笑咗出嚟。
Yoga又提到當兵期間，經常要喺自己嘅所屬單位度表演，仲要自己搭台同搬音箱，訓練好辛苦。不過，最瘀皮嘅一次，係佢有次放假去便利店買嘢，點知收銀員講完要畀幾錢後，Yoga一時改唔到喺部隊入面回答上級嗰句「報告，是」嘅標準答案，嚟應個收銀員，佢話真係覺得自己好瘀。