「出咗個手機之後，不斷收到財務公司追數電話，又粗口，又恐嚇，真係好驚。」
林先生向本報投訴稱，自從他今年二月在ONE2FREE電訊公司出了一個新手機號碼給家人使用後，即不停接到追數電話，甚為滋擾。

ONE2FREE卸膊
經林先生了解，原來追數對象是該手機號碼的上手用戶，「最慘係上手用戶將佢個家居電話都飛埋條線落我度，追數電話一日多過一日。」林先生又斥上手用戶手法卑劣，「佢自己欠人錢，就搵我嚟避債，好冇道德。」
他說曾向ONE2FREE求助，但對方只表示「冇辦法㗎啦，一係你轉另一個號碼，但要付三百元。」他欲「斬腳趾避沙蟲」，中止使用該手機號碼，但ONE2FREE卻指他已簽署合約，如停台會被收取五百元毀約費，他頓感進退兩難，「個手機號碼係佢畀我嘅，有問題竟然要我自己承擔，𠵱家用又唔係唔用又唔係。」

本報轉介才免費
林先生自歎倒楣，「真係唔好彩，揀咗個咁嘅手機號碼，又冇人幫到我。」
ONE2FREE公關部函覆本報查詢時稱，一般情況下，於客戶中止合約後，會將有關手機號碼保留三個月，以便客戶可在此段期間重新使用，若客戶不再使用，有關號碼保留一段時間後，經由電腦系統重新分配。
另若客戶上台後欲更改號碼，會被收取手續費。
林先生向本報表示，經本報轉介其投訴後，ONE2FREE才答允免費為其更換另一個手機號碼。(○四○八○三)