今晚（20日）谷草賽事採用最狹窄之C加3跑道，度地儀指數2.70，場地掛牌為好地至快地。如天氣情況許可下，將按計劃在第四場後進行壓地。

睇番上季同一時期12月22日谷戰亦係用C加3欄，當晚度地儀指數2.69及掛牌好至快地，全晚四場短途賽頭馬均在入直路時已進佔前四名位置，其中「星際武士」及「開心有你」擺前帶到，反而三場一哩賽頭馬「明月光」、「越駿寶」及「超強快駒」均從中段位置憑後勁反先對手，唯一的2200米賽事則由「海利多」中段發力透出帶到取勝。

今戰列陣馬中，第六場「海利多」又跑贏馬的谷草C加3欄2200米，相隔一年又作相同部署，可期重溫好夢。

另外，第七場「風火勁駒」三次角逐谷草C加3欄獲一勝兩位，有力重開勝門。