我們都在尋找，那顆消失的心（二）｜ 有心無默
蘋果日報 2018/03/24 17:00
專欄尖沙咀鬼故有心無默地區消息蘋地
「你……果然可以見到我。」
若果有一日，有個女人無緣無故咁出現喺你面前講咗呢句說話，你第一下會係點諗？覺得佢係發神經？一種新嘅拉客／搭訕方式？整人節目？抑或，會毫不猶豫咁相信佢所講嘅嘢？
記得當時，其實我真係冇諗咁多。先望下周圍肯定佢係同緊自己講嘢，跟住先作出回應：「我唔明妳講緊咩……」
「頭先，我哋已經喺酒店走廊見過面。」
呢刻正式聽到佢把聲之後，終於可以確定酒店嗌交嗰把低沉嘅女人聲係另有其人……但呢個顯然唔係而家應該在意嘅地方。
「係咩？」我一邊扮傻一邊諗緊應該點打發佢走，「其實我趕時間，如果冇咩……」
「尋芯！」講到中途，對面街突然有把女聲大嗌過嚟。
因為麼地道嘅兩邊街相隔並唔遠，所以一望就可以見到有個戴眼鏡、打扮斯文嘅女生向住我哋呢邊揮手。佢呢個舉動當然吸引到其他途人嘅注意，唔少人不約而同咁望向佢，再將目光轉過嚟。
「小絲……」眼前呢位叫做尋芯嘅女人即刻睜大雙眼望過去。下一刻，驚訝嘅神情瞬間被喜悅所取代，「太好喇……妳喺嗰邊等陣，我好快過嚟！」
一講完，佢重新望過嚟我度，深思咗一下之後開聲講：「Sorry，我諗我係有啲嘢誤會咗，打搞到你唔好意思。」
「呃……」我完全估唔到事情會係咁發展，「其實又唔算好打搞嘅。」
再向我點頭道歉後，大概見隔離交通燈啱啱好轉咗綠燈，尋芯即刻加快腳步跑過對面馬路。兩個女生正式見面後即刻互相擁抱起嚟。佢哋畀我嘅感覺，就好似一對已經失散咗好耐嘅姐妹，多年後終於重逢一樣。
係感動嘅……雖則我仲係一頭霧水，唔知發生緊咩事。但至少證明一樣嘢，就係我冇墮入乜嘢推銷陷阱，亦都冇撞鬼。
見時間唔早，我就冇再望落去，以免錯過阿晨求婚嘅重要一刻。
***
鏡頭一轉，我已經趕到返去尖沙咀海旁。見到一眾好友已經喺現場準備就緒，只係等兩位主人翁出現。
「喂你咁遲嘅？買嘢要咁耐咩？」阿Mike見到我即刻問，大概係以為我走咗去偷懶吧。
「一言難盡。」我無奈咁講：「但我頭先走嗰陣阿晨仲喺酒店，照道理……」
「喂各位！」一位冇記錯叫做阿紫嘅姐妹走過嚟大聲表示：「兩個主角嚟緊喇！阿Mike，你一陣係咪會幫手講嘢？」
「係。」阿Mike點點頭。
「咁你跟我嚟，我有啲嘢想交代返。其他人就企好位各就各位啦！」講完佢就轉身去返姐妹嗰邊。
「阿紫真係愈睇愈掂。」阿Mike臨行開之前細聲同我講：「聽講佢仲係單身，我諗住借呢次機會出手……一陣再講，我過去先。」
其實阿晨本來係想我呢位最好嘅兄弟負責一陣做主持講嘢，但我自問口才真係一般。為咗成件事可以完美順暢，結果就推咗，交畀阿Mike去做。
「佢哋到喇！」
再等多五分鐘之後，終於見到阿晨拖住Emma嚟到現場。雖然Emma表現到好激動，但我睇得出佢確實唔算太驚喜。睇嚟就正如阿晨所講，佢早就估到男友會喺今日向自己求婚。
之後，就係阿晨用佢最擅長嘅木結他，自彈自唱咗一首曹格嘅《數到五答應我》，唱完嘅一刻單腳跪喺Emma面前，順勢拎出求婚戒指。最後，喺我哋嘅祝福下，完成呢個喺最初就已經知道結局嘅求婚儀式。接着落嚟，阿晨當然係帶Emma返去已經佈置好嘅酒店，準備度過漫長嘅一晚。
雖然主角走咗，但我哋亦未即刻散場。因為現場大部分都係好耐冇見嘅舊同學仲有舊同事，所以都想趁呢次機會聚下舊。本來佢哋仲決定好去食下嘢飲下酒，但我最後係婉拒咗邀請。
「我聽日仲要返早，唔可以留咁夜喇，你哋去啦。」
雖然呢個的確係事實，但更主要嘅原因係我冇心情。頭先阿晨向Emma求婚嘅時候，我始終忍唔住諗返起以往發生過嘅事……如果，當日我作出咗另一個決定，今日向Emma求婚嘅人，會唔會就係我？
唉……如果如果，失敗者總係鍾意沉醉喺「如果」之中。結果忽略咗眼前應該重視嘅人同事，最後換嚟另一次失敗。
若果有一日，有個女人無緣無故咁出現喺你面前講咗呢句說話，你第一下會係點諗？覺得佢係發神經？一種新嘅拉客／搭訕方式？整人節目？抑或，會毫不猶豫咁相信佢所講嘅嘢？
記得當時，其實我真係冇諗咁多。先望下周圍肯定佢係同緊自己講嘢，跟住先作出回應：「我唔明妳講緊咩……」
「頭先，我哋已經喺酒店走廊見過面。」
呢刻正式聽到佢把聲之後，終於可以確定酒店嗌交嗰把低沉嘅女人聲係另有其人……但呢個顯然唔係而家應該在意嘅地方。
「係咩？」我一邊扮傻一邊諗緊應該點打發佢走，「其實我趕時間，如果冇咩……」
「尋芯！」講到中途，對面街突然有把女聲大嗌過嚟。
因為麼地道嘅兩邊街相隔並唔遠，所以一望就可以見到有個戴眼鏡、打扮斯文嘅女生向住我哋呢邊揮手。佢呢個舉動當然吸引到其他途人嘅注意，唔少人不約而同咁望向佢，再將目光轉過嚟。
「小絲……」眼前呢位叫做尋芯嘅女人即刻睜大雙眼望過去。下一刻，驚訝嘅神情瞬間被喜悅所取代，「太好喇……妳喺嗰邊等陣，我好快過嚟！」
一講完，佢重新望過嚟我度，深思咗一下之後開聲講：「Sorry，我諗我係有啲嘢誤會咗，打搞到你唔好意思。」
「呃……」我完全估唔到事情會係咁發展，「其實又唔算好打搞嘅。」
再向我點頭道歉後，大概見隔離交通燈啱啱好轉咗綠燈，尋芯即刻加快腳步跑過對面馬路。兩個女生正式見面後即刻互相擁抱起嚟。佢哋畀我嘅感覺，就好似一對已經失散咗好耐嘅姐妹，多年後終於重逢一樣。
係感動嘅……雖則我仲係一頭霧水，唔知發生緊咩事。但至少證明一樣嘢，就係我冇墮入乜嘢推銷陷阱，亦都冇撞鬼。
見時間唔早，我就冇再望落去，以免錯過阿晨求婚嘅重要一刻。
***
鏡頭一轉，我已經趕到返去尖沙咀海旁。見到一眾好友已經喺現場準備就緒，只係等兩位主人翁出現。
「喂你咁遲嘅？買嘢要咁耐咩？」阿Mike見到我即刻問，大概係以為我走咗去偷懶吧。
「一言難盡。」我無奈咁講：「但我頭先走嗰陣阿晨仲喺酒店，照道理……」
「喂各位！」一位冇記錯叫做阿紫嘅姐妹走過嚟大聲表示：「兩個主角嚟緊喇！阿Mike，你一陣係咪會幫手講嘢？」
「係。」阿Mike點點頭。
「咁你跟我嚟，我有啲嘢想交代返。其他人就企好位各就各位啦！」講完佢就轉身去返姐妹嗰邊。
「阿紫真係愈睇愈掂。」阿Mike臨行開之前細聲同我講：「聽講佢仲係單身，我諗住借呢次機會出手……一陣再講，我過去先。」
其實阿晨本來係想我呢位最好嘅兄弟負責一陣做主持講嘢，但我自問口才真係一般。為咗成件事可以完美順暢，結果就推咗，交畀阿Mike去做。
「佢哋到喇！」
再等多五分鐘之後，終於見到阿晨拖住Emma嚟到現場。雖然Emma表現到好激動，但我睇得出佢確實唔算太驚喜。睇嚟就正如阿晨所講，佢早就估到男友會喺今日向自己求婚。
之後，就係阿晨用佢最擅長嘅木結他，自彈自唱咗一首曹格嘅《數到五答應我》，唱完嘅一刻單腳跪喺Emma面前，順勢拎出求婚戒指。最後，喺我哋嘅祝福下，完成呢個喺最初就已經知道結局嘅求婚儀式。接着落嚟，阿晨當然係帶Emma返去已經佈置好嘅酒店，準備度過漫長嘅一晚。
雖然主角走咗，但我哋亦未即刻散場。因為現場大部分都係好耐冇見嘅舊同學仲有舊同事，所以都想趁呢次機會聚下舊。本來佢哋仲決定好去食下嘢飲下酒，但我最後係婉拒咗邀請。
「我聽日仲要返早，唔可以留咁夜喇，你哋去啦。」
雖然呢個的確係事實，但更主要嘅原因係我冇心情。頭先阿晨向Emma求婚嘅時候，我始終忍唔住諗返起以往發生過嘅事……如果，當日我作出咗另一個決定，今日向Emma求婚嘅人，會唔會就係我？
唉……如果如果，失敗者總係鍾意沉醉喺「如果」之中。結果忽略咗眼前應該重視嘅人同事，最後換嚟另一次失敗。
又老實講，隔咗咁多年，其實我都唔知自己係咪仲鍾意緊Emma。或者，我之所以會有呢種失落感，純粹因為我出於妒忌。妒忌阿晨無論邊方面都做得比自己好，妒忌佢可以同Emma有情人終成眷屬。
諗到呢度，見海風吹到有啲刺骨，本來已經打算啟程返去，但只係行咗一小段路，我就畀某個人所吸引到……
「唔係啩？」
呢刻，有個女人危坐喺海旁欄杆外嘅石壆上面。但最令我驚訝嘅唔係佢呢個行為，而係佢熟悉嘅背影，我大約一個鐘頭之前先見過──就係嗰位叫做尋芯嘅女仔。
見到咁嘅情況，我停咗喺度冇再行到，先望下周圍……好奇怪，明明佢坐得咁出咁危險，但周圍嘅人居然係完全無視咗佢，傾偈嘅繼續傾偈、玩手機嘅繼續玩手機。定其實只係我大驚小怪，咁做根本就唔係咩稀奇事？
呆望多幾秒之後，見再冇其他異樣，我本來諗住繼續行……但就好似計算好一樣，尋芯佢突然撐起身，轉過嚟行人路呢邊，有一刻我仲以為佢諗住行返入嚟。
但事實係，佢居然慢慢合埋雙眼，然後張開雙手──如此戲劇性嘅動作，我已經想像到佢下一步打算點做。或者到最後可能會估錯，但出醜，都總好過出事之後先嚟後悔。
「喂！」我喺千鈞一髮之間大嗌過去，同一時間邁開腳步，「妳唔好做傻事呀！」
聞言，尋芯佢總算睜返開眼。雖然同佢相隔有段距離，但都可以見到不斷有淚珠順住佢臉頰滑落嚟。
「有咩諗唔通嘅，咪慢慢諗通佢囉。」我一路行近佢一路講。
「你……」
就喺尋芯諗住開聲回應嘅一刻……
「克仔，你喺度做緊咩？」身後竟然傳嚟一把熟悉嘅聲音──係阿晨？
我即刻擰轉身，原來唔單只佢，就連Emma都喺度。佢哋唔係應該返咗去酒店咩？點解又返番嚟呢度？雖然覺得奇怪，但而家明顯唔係詢問嘅時候……
「你哋見唔到我後面有個女人想跳海咩？！」我將聲音壓到最低，希望尋芯聽唔到。
「跳海？」Emma皺起眉頭，望咗我身後一眼，「吓？」
「克仔……」阿晨嘅反應同佢差唔多，但神情多咗幾分不安，「你後面冇人喺度喎？」
冇人！？一聽完我即刻轉返過去，只見尋芯依然企喺剛才嘅位置，佢先用手抹乾淚水，然後再開聲同我講：
「點解……淨係得你可以見到我？」
（待續）
我們都在尋找，那顆消失的心（一）
https://hk.news.appledaily.com/district/realtime/article/20180314/57941975
專欄作者簡介：
有心無默
網絡作家，以創作為樂。真實身份為故事星人。著有《西營盤》、《絕命上映》、《絕望走廊》等暢銷小說。
Facebook專頁：
https://www.facebook.com/Echo.of.Heart/
諗到呢度，見海風吹到有啲刺骨，本來已經打算啟程返去，但只係行咗一小段路，我就畀某個人所吸引到……
「唔係啩？」
呢刻，有個女人危坐喺海旁欄杆外嘅石壆上面。但最令我驚訝嘅唔係佢呢個行為，而係佢熟悉嘅背影，我大約一個鐘頭之前先見過──就係嗰位叫做尋芯嘅女仔。
見到咁嘅情況，我停咗喺度冇再行到，先望下周圍……好奇怪，明明佢坐得咁出咁危險，但周圍嘅人居然係完全無視咗佢，傾偈嘅繼續傾偈、玩手機嘅繼續玩手機。定其實只係我大驚小怪，咁做根本就唔係咩稀奇事？
呆望多幾秒之後，見再冇其他異樣，我本來諗住繼續行……但就好似計算好一樣，尋芯佢突然撐起身，轉過嚟行人路呢邊，有一刻我仲以為佢諗住行返入嚟。
但事實係，佢居然慢慢合埋雙眼，然後張開雙手──如此戲劇性嘅動作，我已經想像到佢下一步打算點做。或者到最後可能會估錯，但出醜，都總好過出事之後先嚟後悔。
「喂！」我喺千鈞一髮之間大嗌過去，同一時間邁開腳步，「妳唔好做傻事呀！」
聞言，尋芯佢總算睜返開眼。雖然同佢相隔有段距離，但都可以見到不斷有淚珠順住佢臉頰滑落嚟。
「有咩諗唔通嘅，咪慢慢諗通佢囉。」我一路行近佢一路講。
「你……」
就喺尋芯諗住開聲回應嘅一刻……
「克仔，你喺度做緊咩？」身後竟然傳嚟一把熟悉嘅聲音──係阿晨？
我即刻擰轉身，原來唔單只佢，就連Emma都喺度。佢哋唔係應該返咗去酒店咩？點解又返番嚟呢度？雖然覺得奇怪，但而家明顯唔係詢問嘅時候……
「你哋見唔到我後面有個女人想跳海咩？！」我將聲音壓到最低，希望尋芯聽唔到。
「跳海？」Emma皺起眉頭，望咗我身後一眼，「吓？」
「克仔……」阿晨嘅反應同佢差唔多，但神情多咗幾分不安，「你後面冇人喺度喎？」
冇人！？一聽完我即刻轉返過去，只見尋芯依然企喺剛才嘅位置，佢先用手抹乾淚水，然後再開聲同我講：
「點解……淨係得你可以見到我？」
（待續）
我們都在尋找，那顆消失的心（一）
https://hk.news.appledaily.com/district/realtime/article/20180314/57941975
專欄作者簡介：
有心無默
網絡作家，以創作為樂。真實身份為故事星人。著有《西營盤》、《絕命上映》、《絕望走廊》等暢銷小說。
Facebook專頁：
https://www.facebook.com/Echo.of.Heart/