早前專欄作家屈穎妍又寫潮文，槍頭忽爾指向用俗稱「芭蕉扇」(即手提電風扇)嘅人(其實係針對年青人)，其實香港夏天又濕又熱，拎電風扇都係人之常情，不過屈小姐又睇唔過眼，話用「芭蕉扇」的年輕人唔捱得苦，做唔到大事喎，當時佢係咁寫嘅:「街上碰到提着芭蕉扇的人，不少是青春少艾，有男有女。血氣方剛的年月，流一把汗，是新陳代謝，連熱一點的苦都受不了，將來如何成大事？」

不過此潮文一出，旋即又被高登仔翻佢舊聞，原來上年4月佢寫過一篇專欄，話等3個女放學，最愛喺一間琴行坐住等，因為有「冷氣歎」，「舒適得很」喎，原來佢唔用扇，直接嘆冷氣，咪唔使捱苦囉!而佢老公林超榮，亦被發現一張夜晚戴住帽拎住「芭蕉扇」嘅相，唔知佢又覺得自己老公成唔成到大器呢?

姑勿論篇潮文，「芭蕉熱」已經吹到去各個階層，根本唔係後生仔專利，連「千億新抱」徐子淇都用，佢喺IG放咗張吹「芭蕉扇」嘅相表示:「Agiftfrommydaughter,becausemummyisaboiler.Theseportablefansaresogood!」原來把風扇係囡囡送，雖然徐子淇生咗幾個小朋友，但其實佢都只係32歲，算得上「青春」o架，唔知屈穎妍點睇呢....?