從荒村、舊校以至無人片場，廢墟攝影師SingChan獨愛當中的寧靜，遊走在城市中鮮為人知角落，用相機與底片記錄一段段被遺棄的歷史，在鏡頭下重新發掘無用之用。活於土地供應匱乏年代，阿Sing廢墟題材始終從未間斷，全因閒置設施多不勝數，「土地係有嘅，但問題係冇善用到」。

記者：佘錦洪

以阿Sing所認知，本地廢墟大部份集中在新界，「一來偏遠，二來發展價值低」，但他鏡頭下亦拍下不少市區廢墟，「有啲係私人樓等重建，有啲土地就同政府有關」。他指出，市區有不少舊政府宿舍或辦事處，往往空置幾年甚至幾十年仍無人問津，外觀可見已長出雜草甚至樹木，認為政府根本無善用，「點解你話冇土地，但市區甚至一啲旺區，會有一啲土地空置咗咁多年冇人理嘅呢？」

要尋找大隱隱於市的廢墟，阿Sing除上網尋找熱門勝地，或是與同好交流外，更會從報紙片段中尋找線索，「有時報紙會講政府改土地用途，又或者係有計劃重建，呢啲都會話你知邊度有」。平日出門或行山遠足時，他亦會留意隨近有無看似廢棄的建築，隨時會發現屬於廢墟的一鱗半爪。

入鄉要隨俗，廢墟攝影亦有屬於自己的潛規則。阿Sing表示，因早幾年有自私攝友在廢墟倒水甚至放火，只為製造獨特的影像效果，因此同好間均有默契地不將廢墟地點公開，「如果係透過自己努力去搵嘅，相信都唔會去破壞」。每到一個新地方，他都會盡量保存進入時的原貌，「幾荒廢都有擁有人，你去攞都算偷」。但凡事總有例外。

阿Sing早前曾到訪即將重建的舊唐樓，在其中一個單位中意外發意一批書信及相片，「原來呢個前業主係國民黨軍官，親戚亦是軍官，打過好多仗，更加有人參加過諾曼第戰役」。他與同行者認為這些資料大有價值，於是聯絡相關專家整理及保存，「如果你唔攞幾個月後就會去堆填區」。

探索廢墟多次，阿Sing曾遇到驚險場面，「試過入到間屋，聽到有蜜蜂聲，再睇吓原來有個人頭咁大嘅蜜蜂竇」，亦曾與野豬狹道相逢，「只要你唔理佢，佢都冇興趣理你」。他稱每到新地方時，要小心評估有無危險性，如建築物有無倒塌危機，木制樓梯有無腐爛等，最好是與朋友同行，「有個照應安全啲」。

拍攝廢墟近4年，阿Sing在社交網站上開設群組與網友分享照片。他稱不少地方均有保育價值，如訪問當日到訪的荒村，「呢度保留咗以前農村生活狀態，可能保育吓做導賞團，可以比家年青人知道以前香港嘅生活面貌」。他將與長春社合作舉辦相展，展出他鏡頭下的香港及外地廢墟，希望市民可關注保育問題。

廢墟攝影展「尋晃」
日期：7月11至25日
時間：10am至6pm
地點：西營盤西邊街西區社區中心後座長春社文化古蹟資源中心
資料來源：荒凝止息