港股受美股拖累下跌400幾點;昨日美國財長保爾森又再出招救市,但似乎未對美股有刺激作用,更彷彿跌過龍,但嘉賓認為只是正常調整,惟投資者信心依然薄弱,但嘉賓有信心8月港股會造好。
主持:楊慧玲 康:一中證券聯席董事黃偉康
楊:美國方面又再出招救市,但係未見得有效,仲急跌番好多,其實係唔係跌過龍?
康:我自己覺得係正常調整,不過整體投資者信心薄弱,見到當美國政府出招救市嘅同時,金融機構壞消息就不絕,抵銷咗救市效用;雖然調整得的確係多咗少少,不過整體上美股反彈勢頭應該未完。
楊:咁即係話港股可以被帶動?
康:係呀,雖然港股成交薄弱,不過沽壓都唔係好重;7月期指倉我認為都係好倉淡倉各佔一半,所以我相信好多大戶焦點都放咗喺8月份期指,如果以我計算8月份會造好嚟講,其實𠵱家推低期指,對8月港股係一件好事。