荷李活星級夫婦畢彼特（BradPitt）同安琪蓮娜祖莉（AngelinaJolie）嘅一對龍鳳胎Vivienne同Knox，啱啱喺星期日度過7歲生日，當日畢彼特同安琪蓮娜暫時放底工作，帶咗一對小朋友去咗洛杉磯VanNuys溜冰慶祝，養子Maddox、Pax、養女Zahara同長女Shiloh當然有一齊去啦。

而除咗佢哋一家人之外，畢彼特同安琪蓮娜都有招待咗壽星仔女嘅朋友仔一齊去玩，戴住公仔圖案雪帽嘅Vivienne，就同Knox玩得好開心，一齊拖住朋友仔溜冰，仲玩咗成兩個鐘頭先走。