肇事女司機姓廖（三十八歲），在一間跨國保險公司任分區經理，獨居西貢北潭涌。她事後指自己習慣早睡，惟前晚她與友人慶祝生日至昨晨駕車回家失事，她歉疚地說：「最衰都係我頂唔順瞌眼瞓，但我瞇埋眼三秒啫，點知擘大眼已經撞咗埋欄！架車爛咗冇問題，我最驚嗰兩個人有事咋！」她稱之前亦曾在清水灣道發生輕微交通意外，不料「今次重大鑊撞倒兩個人」。
曾飲酒但無超標
昨晨十時許，女事主駕私家車沿清水灣道上斜途至聖約瑟小學對開時，突失控掃毀左邊五米鐵欄，左前輪連軸飛脫，兩名路過的姓陳及姓胡（五十二及十八歲）男女，遭斷欄碎片飛濺擊中，受輕傷送院。至於女司機經酒精測試，證實曾飲酒但無超標，被警員口頭警告。
警員調查時，泊在路邊的一輛警車突溜後撞倒一名交通騎警，在肇事警車上等候的女車長驚覺將車煞停，該名警員僅受輕傷，送院治理。