港股今未有隨外圍升勢，反跌逾400點。智易東方證券行政總裁藺常念表示，今日跌市主要由於港股過去數日，已自低位升逾千點，市場以「佔中」作為藉口獲利回吐。被問到佔領對後市影響，「唔會好大，當年佔72日都影響唔大啦。」他解釋，今次佔領，是源於對中國政府法治零信心，「全世界都知道，中國法治係負100分」。至於美國務院昨警告，修訂《逃犯條例》危及香港政策法，藺常念表示未會擔心，「得個講字啫。」

過去數年，內地公安於香港強行執法，挾走肖建華、銅鑼灣書店李波、林榮基等人，「其實嗰陣時就應該要信心崩潰，嗰啲直頭係非法行動啦，但嗰陣時信心都冇崩潰，政府又唔出聲，而家真正立法反而好過內地公安走嚟自己做嘢，起碼知你做乜，見到光，唔會搵人捉你上架小巴運你走。」
-----------------------------
【新聞有價】6月17日起 繼續撐蘋果
http://bit.ly/2IJ24ZR