韓國人氣綜藝節目《Running Man》將於明年2月26號就播出最後一集，原定上周一《RM》會進行錄影，不過因為發生炒魷事件，所以錄影就延至後日聖誕節進行，今日根據韓國傳媒報道，後日進行嘅錄影唔會有新嘉賓亮相，到時製作組同埋《RM》成員會向觀眾傳達歉意，根據相關人士話：「自從發生連串風波後，粉絲喺官網嘅反應以及留言，網民嘅批評等，對於2月決定停播，係有需要向觀眾道歉。」

另外，《RM》後日播出嘅一集就邀得金所炫做特別嘉賓，而金所炫早前已進行拍攝，佢更以一身聖誕造型亮相，到時佢仲一展歌喉，令人期待。