無綫劇集《突圍行動》一班演員馬浚偉、徐子珊、吳卓羲、楊思琦、岳華等昨日在西貢一個小型賽車場參加「極速飄移齊突圍」比賽，最愛駕駛高速跑車的吳卓羲，果然是技高一籌，不但在小組賽中勇奪第一，又領導組員大獲全勝。
吳卓羲自豪地衝上頒獎台上，當監製呼籲其他女演員吻賀得獎車手時，吳卓羲非常避忌，似乎不想接受其他女演員吻賀，他說：「我唔係驚，係知道班女仔唔會咁做，所以自己做醜人。」

楊思琦、馬浚偉都是第一次玩小型電單車，技術認真麻麻，楊思琦還不小心車親陳琪的腳趾，幸好未有受傷，思琦說：「我之前都想學電單車，不過媽咪唔畀，所以無得學。」馬仔不肯承認自己技不如人，他說：「我今日都係就住就住，因為拍劇要跳舞，唔可以整親腳趾，平時我都係唔鍾意開快車，我最憎就係啲車成日隊人，揸跑車就自己撞埋山邊，唔好撞到人，我會鬧人，會怒斥路上挑釁性嘅人。」
採訪：楊潔雯　攝影：葉君海