沈卓盈（Jess）和陸詩韻今日在尖沙咀出席品牌頒獎禮活動，前者來頒獎，後者代表創立品牌來領獎，沈卓盈一直有意重商，但因近日經濟一般，要好好慮。

沈卓盈老公Calvin經營內衣品牌生意，她間中也會從中取經，但因二人各有喜好不同，亦不會插手老公盤生意，並說：「反而老公去第二度旅行一見到內衣褲就會好專業咁話要入去睇，仲會拉埋我，因為驚尷尬。」身邊另一半從事女性私密生意，自不然對內衣要求高，沈卓盈笑說：「我對我自己要求高，唔會畀自己肥，體態完美啲，最緊要自己舒服。」更自爆：「我所有身上着緊嘅內衣褲全部都係老公供應，要咩顏色同款式即講即有。」絕對可以節省一大筆。

今年年初沈卓盈和老公Calvin在布吉結婚，近日她和老公正式在香港註冊，被踢爆與平時報稱年齡細兩年，沈卓盈大方說：「老公知道我本身真實年齡係82年，其實我平時做節目都有講自己係屬狗，只係大家冇為意，當我賺多幾年啦。」至於會否在香港補擺喜酒？她甜蜜表示一切由老公作主，不過近日開拍新節目，反而希望工作過後可以去旅行輕鬆叉電。

陸詩韻經營美容品牌為她帶來今年第五個獎項，她慶幸：「經營生意年短短四年幾，獲得認同，希望努力賺錢養老。四年幾以來曾經兩次達到目標成果，但做生意唔能夠停步。」近日受到社會環境因素影響，旗下產品上架生意直接下降，相反網上生意由八月份開始 一直有上升趨勢，網上生意額佔現時七成以上。12月底是陸詩韻39歲生日，她說：「唔想成日remind自己幾多歲，但今年唔會大肆慶祝，打算靜靜地過，希望下年市道好，大家都好，開心啲。」

蘇志威經營男士服裝生意接近九年，一直在香港市場穩打穩紮，他有意北上想發展事業，但近期局勢緊張 ，希望守護好香港生意為首，又十分羨慕一些品牌可以30至40年，他希望自己成立品牌可以變成百年老舖。

採訪、攝影：卓寶花

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇