香港足球代表隊教練金判坤突然請辭,返南韓足總做國家隊顧問委員會主管。金Sir曾經帶領港足攞到好績,包括2009年東亞運冠軍同埋喺2018世界盃亞洲區外圍賽兩度賽和中國隊,但亦因為重用入籍兵而引起爭議,對於呢位外籍主帥忽然離任,網民反應不一。有人祝金Sir前程似錦、有人大嘆可惜、有人以佢始終係南韓人所以話恭喜,甚至有人表明「走得快好世界……好X過對住足總班老屎忽」或者多謝佢令中國隊「出醜」,不過亦有網民認為佢令香港華人冇得踢,「早走早著」,亦有人質疑佢嘅金句「I can die for Hong Kong」!