陸詩韻今日出席慧妍雅集記者會，講到之前佢未婚夫吳銘偉之前傳出唔少負面新聞，話詩韻所住嘅西貢匡湖居屋苑巴士站廣告燈箱，貼咗十幾張追債大字報，而吳銘偉更傳出做貿易生意但最後生意失敗，08年更告上法庭被判敗訴，要償還340萬欠債面臨破產，陸詩韻做豪門少奶夢再一次無情地被打碎。

依家問到陸詩韻同未婚夫有冇結婚計劃？佢話：「未決定，我慣咗見步行步，生小朋友就一定結婚，婚後兩、三年就生，希望37歲生小朋友，會生兩個，以好多師姐做目標。」對於上次未有詳細交代未婚夫欠債事件，陸詩韻繼續以交畀律師處理為由，不欲多談。




逢周五隨《蘋果日報》附送嘅時尚美容雜誌《add》第二期雖然早已派完；拎唔到書嘅朋友，可以上番《add》嘅官網 http://hk.add.nextmedia.com/睇番足本網上版，除咗有陳慧琳專訪，仲有好多時裝靚嘢睇！