鄧達智(William)逆市開食店，位於元朗屏山嘅Cafe123食堂今日正式開幕，黃淑儀、鏞記老闆甘錕禮、江碧蕙同胡孟青都有出席到賀，一齊切燒豬。

二、三百個朋友賓客車輪轉，William忙到變身待應捧奶茶，佢話﹕「我好enjoy呀，平時做fashion只係design嗰刻好投入，o依家入廚房、執抬，我全部都enjoy。」佢透露做餐廳係心願，更加部署作為人生下台階，步入悠閒嘅半退休生活﹕「今日同村兄弟送左好多花牌，左右食肆借枱布、送風扇咁，互相幫忙，呢啲鄉村情誼真係好感動。」

被問到逆市開店會唔會擔心生意？佢話﹕「我喺國內做咗咁多年時裝，好多一線城市大商場變晒鬼域，香港呢啲真係唔算逆市，我對逆市免咗疫，無諗開分店，一間就夠。」原先想重現鄧媽媽嘅「屋企節慶飯」，o依家食店會喺日間賣中西合璧嘅黑松露蛋牛角包等，夜晚一周兩晚私房菜，「基本上，5月頭都會在度打䠢。」