京華山一研究部主管彭偉新指，下星期恒指仍睇外圍美股的走勢，比較利淡，反映「個市未得，唔好因為星期四挾高而睇好」，因為資金流仍未流入港股，下周高位22200點至低位50天線的21400點，現水平仍處於高位，他指出，港股是投機者的天堂，向下插人踩人最易搵食，市場要港股跌，任何原因都可以觸發，主要由資金流向主導，亞洲市場走資對港股的影響未完。

他又指，市場不太考慮基本因素，業績好的股份只能炒一兩日，他較看好的是內地券商股，例如中信証券（6030），因為此類股份業績不及預期靚，「冇人理」，若今年A股估值見底便很值得買；他又指煤炭股，市場覺得欠前景，但少留意山西政府拉攏跟5大電廠簽長期供煤合約，佔7成煤價的動力煤，跑贏焦煤價，兩者差價拉闊，之後又炒煤股，但不是因為炒業績，因為煤股業績很差。