為廚神平反:佢好nice

蘋果日報 2017/08/09 00:00


【本報訊】鏡頭前的地獄廚神Gordon Ramsay霸氣鬧人,毒舌金句多籮籮,但背負其徒弟之名,真正入過Gordon熱廚房的蔡家富就幫他平反:「真實佢係好gentlemen(有風度)嘅人,好nice,唔係落到去就鬧。」
電視上Gordon不停逼迫員工,蔡卻認為「廚房嘅節奏理應係咁」,指他對細節有很高要求,「好似香草、沙律菜平時咁(原條)用,但我哋係逐片搣出嚟用㗎,你咪諗吓我哋花幾多時間去搣囉,咁你就知人哋點攞(米芝蓮)三粒星啦,呢啲咪堅持囉!」
細節造就完美,但背後更靠員工肯捱,蔡自言當年於法國餐廳打工,「朝早6點半返到去,做到夜晚12點唔停,晏晝係企喺度食咋!」午餐更是「隔夜麵包,加兩塊芝士曬燶佢食」。
廚神徒弟與員工洗地
到內地創業,蔡稱最難是找到志同道合的拍檔,目前員工「全部都係中菜底」,起初招聘逾1個半月仍請不到一人,更有人獲聘後不現身。最終他使出「殺手鐧」,學Gordon一樣「(見工者)嚟到時就鬧,佢唔走通常都成功」。現時團隊主要是90後,卻不能只靠鬧,他坦言組隊後要「湊」,要扭轉員工「總廚都係行行企企」印象,因廚房是團隊,故不會高高在上,「我一樣洗地、一樣執雪櫃,佢哋冧檔時就幫佢手煮」。要讓對方明白可以犯錯,老闆亦會願意幫你「補鑊」。