Bentley入門價超過300萬，做佢粉絲，身家少啲都唔使諗。不過，今鋪唔使諗，Bentley搞慈善拍賣幫Prince'sTrust籌錢，撐硬！佢哋連維修部設計部都動員埋，幫手設計20件同Bentley車相關嘅搞鬼products，兼全人手製作。拍賣家陣已經開始，至10月10號玩完。睇住啲叫價先知，原來將架Bentley車拆件，一樣可以賣到靚價！
全場最貴MulsanneV8餐枱，以重新設計嘅63/4公升雙渦輪增壓V8引擎製作，叫價已經去到4500英鎊（圖1）。至於用20吋合金車轆做基座嘅Mulliner輪胎茶几，聞說個design係為咗強調車胎嘅超強承托力。開價45英鎊，家陣叫價到500鎊，升價10倍（圖2）。嫌太man，Bentley同LinksofLondon合作嘅手鏈，開價120鎊，叫咗5口價，家陣去到125鎊（圖3）。