趙碩之早前高姿態大鬧大名娛樂唔幫佢接Job，然後又話問過律師意見，佢自己可以接Job，雙方關係勢成水火，到達冇彎轉餘地，點知早排碩之接受電台訪問時，又失驚無神轉口風，話返公司同林生（林建名）傾，之後佢又激讚大名娛樂係大家庭，仲話會考慮續約，態度無啦啦180度轉軚，認真古怪﹗

今日就有報道話雖然碩之耍晒冧賣口乖認衰，上月底仲被發現佢返公司傾嘢，實際似係求和解多啲，不過據悉林建名拒見碩之，因為佢高調鬧爆公司，言論過激，林建名覺得佢唔識得飲水思源，表現反骨。

報道話當日碩之返公司後，林建名就冇騷佢，只係派咗名高層招呼佢，可惜雙方傾到冇乜進展，碩之惟有面懵懵離開。不過報道就話喺大廈垃圾房內，有驚人大發現，原來大批碩之前年寫真集，被棄置垃圾房內，真係冇得留低啵﹗而林建名喺訪問中話：「 我好後悔唔一早鬧醒佢，好失望，所以唔想再理呢個人 。」

《蘋果日報》動新聞新版AndroidApp正式面世喇！Hit一吓，動全新！已經Download咗舊版App嘅朋友，請去返PlayStore手動更新；至於iPhone版嘅新版App，7月就會出街喇！

未download嘅，梗係即刻下載啦↓↓
http://bit.ly/Zbhry3