英國倫敦今日當地時間早上返工返學的繁忙時間，地鐵車廂發生爆炸，警方將事件列為恐怖襲擊，事件至少20人受傷（新聞連結： http://bit.ly/2xDzVjp ），適逢多個時裝品牌在當地舉行時裝周，多位香港藝人都準備前往倫敦或者已經到埗。

倪晨曦將會出席Burberry及Tommy Hilfiger時裝騷，今晚先會出發飛倫敦，她接受《蘋果》訪問時稱，很多朋友轉發恐襲相關新聞，屋企人有否擔心行程？倪晨曦表示：「因為屋企人喺加拿大，應該未起身，所以未message我。」會否取消行程？她再說：「應該就唔會，點都會飛過去，但自己小心啲，唔去太多人地方，但睇騷地方好難避免，自己會盡量小心小心，我都有買保險嘅。」

而將會出席時裝品牌Tommy Hilfiger主辦活動的余文樂，被問恐襲事件會否影響行程，樂仔透過助手回覆：「冇影響。」而馬天佑於恐襲發生後一小時到達英國，他表示：「過關好正常，冇乜特別，不過就好塞車，比起平時要用多一倍時間去酒店。」至於安全問題，馬天佑話：「唔擔心，都係做嘢，唔會走嚟走去，盡量唔會去多人嘅地方。」