【馮仁昭四圍超】超盈半年賺2千萬派花紅
單身超蓮：唔覺Dry
蘋果日報 2017/04/07 00:00
賭王兩位千金何超盈同何超蓮前晚喺上環撐好友陳雪鈴搞嘅網上購物平台Goxip活動，當中「薯片」曾俊華都有嚟撐場。超盈之前拎咗當代藝術家曾梵志嘅名畫「面具」拍賣，佢話：「破晒紀錄，幅畫賣咗1億，公司呢半年已賺咗2千萬，會派花紅畀員工。」
超盈講到自己有投資app生意，之前美圖秀秀上市前已買入股份獲利，問到感情生活如何？佢就笑言：「顯然冇，自己放幾年時間搏殺，𠵱家講生意多過講感情，講金唔講心。」超蓮提到感情生活已封盤年半：「𠵱家做嘢先，媽咪覺得幾好，少咗緋聞，踏實啲，都唔覺得dry，可以陪多啲屋企人。」
超盈講到自己有投資app生意，之前美圖秀秀上市前已買入股份獲利，問到感情生活如何？佢就笑言：「顯然冇，自己放幾年時間搏殺，𠵱家講生意多過講感情，講金唔講心。」超蓮提到感情生活已封盤年半：「𠵱家做嘢先，媽咪覺得幾好，少咗緋聞，踏實啲，都唔覺得dry，可以陪多啲屋企人。」
何超盈（右）同何超蓮前晚以黑色色系打扮撐好友。
三太讚猷啟女友
另外，超蓮噚日同家姐超雲、媽咪陳婉珍出席東華三院董事局就職，支持細佬猷啟做總理，超雲之前28歲生日，而三太亦剛過63歲生日，一家人早前已慶祝，猷啟嘅模特兒女友Angelika有現身見家長。超雲提到生日願望希望賭王身體健康。問到近況？超雲話返公司幫手打理生意，現時冇拖拍，亦唔心急。三太見過Angelika，佢話：「幾好呀！好好禮貌。」問到介唔介意係外國人？三太話：「佢鍾意就得。」
撰文：馮仁昭
撰文：馮仁昭
三太陳婉珍（左二）噚日帶超雲（左）同超蓮去撐猷啟做東華總理。