中國人民銀行行長周小川，日前明言不太喜歡「港股直通車」這個名詞。其實如果沒記錯，周小川對「港股直通車」一詞早有微言，大家不妨動動腦筋，改個更好的名稱。
星俠並非盲從和應，但坦白講對「港股直通車」這個名稱也不太喜歡，猶記得去年市傳內地開放居民投資港股，除了「港股直通車」以外，尚有人用「炒股自由行」之類名稱，只係唔知點解傳媒出現共識，全部用晒「港股直通車」，搞到大家唔用唔得，但問心嗰句，「港股直通車」係咪改得好，星俠就覺得唔係咯。
再睇港股近期走勢反覆偏軟，估計大市氣氛暫難暢旺起來，後市悶局居多。相信散戶要捱過首季，港股才有較明確方向，估計到時奧運熱潮吹起，相關概念股或成市場焦點，現時先行備課，時間亦差不多。

守3.44元分段吸納

剛公佈業績的北京北辰（588），全年純利4.63億元人民幣，同比僅上升17%，派末期息每股0.03元人民幣，整體未算十分標青。集團的奧運媒體村二期項目將於月內推售，挾北京奧運會之勢，管理層預期該項目今年會有較佳盈利貢獻。
北辰雖具奧運概念，但溫總最近明言房地產要循健康方向發展，料內地樓價易跌難升，要買北辰，還是等確認守穩1月低位3.44元才分段買入。